Kann veita streym til alt meginøkið

Hóast málið hjá SEV er at menna eitt samfelag, sum byggir á varandi orkukeldur, so verður nýggja verkið rikið við tungolju.

Hetta er neyðugt, sigur SEV, tí bara seinasta árið er el-nýtslan vaksin 10 prosent.

Fýra motorar eru á nýggja verkinum á Sundi.

Teir eru níggju megawatt hvør, og teir kunnu veita streym til alt meginøkið.

Tveir av nýggju motorunum eru longu settir til.