Eiga ikki at gera mun á ferðafólki

Útlendsk ferðafólk skulu rinda meiri fyri ferðaseðilin enn fólk, sum búgva í Føroyum. Tað ætlar Jørgen Niclasen, landsstýrismaður.

Hann sigur, at nýggja gjaldsskipanin skal koma í gildi í hesum árinum. Men Ferðavinnufelagið heldur ikki, at hetta er eitt gott hugskot.

Henny á Líknagøtu, forkvinna í Ferðavinnufelagnum, sigur, at hon veit einki dømi um, at føroyingar, sum ferðast uttanlands, skulu gjalda meira enn onnur.