Tveir norðurlendskir meistarar í taekwondo

Noomi Kunoy Heradóttir og Markus Vazques úr føroyska taekwondo felagnum Hwarang Føroyar gjørdust norðurlendskir meistarar til NM í taekwondo í Noregi um vikuskiftið.

Noomi í veteran-bólkinum undir 57 kilo og Markus í junior-bólkinum undir 51 kilo. Tað skrivar felagið á Facebook síðu sínari. 

Harafturat vunnu Dávid á Lakjuni, Oda Weihe, Jógvan á Lakjuni og Signar Hansen bronsuheiðurmerki til kappingina. 

Høgni Kunoy Dávason, sum í fjør bleiv norðurlendskur meistari í aldursbólkinum 15-17 ár, megnaði ikki at endurtaka bragdið í ár, nú hann luttók í vektbólkinum undir 63 kilo. 

Høgni Kunoy Dávason hevur sjúkuna cystisku fibrosu, og venjarin hjá Høgna sigur við in.fo, at hann var als ikki upplagdur á degnum.