Semingsstovnurin fingið tilfar

Semingsstovnurin hevur nú fingið tilfar frá Starvsmannafelagnum og Fíggjarmálaráðnum um sáttmálasamráðingarnar, sum slitnaðu fríggjadagin.

Fíggjarmálaráðíð sendi tá boð eftir Semingsstovninum.

Enn er ikki avgjørt, nær semingsroyndin byrjar.

Starvsmannafelagið og Lønardeildin hjá Fíggjarmálaráðnum høvdu fyrsta samráðingarfundin 17.oktober í fjør.

Sáttmálin frá 2017 fór úr gildi 1.oktober í fjør.

Men langt er millum tað, sum Starvsmannafelagið krevur í lønarhækking, og tað, sum Fíggjarmálaráðið vil lata.

Fríggjadagin sendi Fíggjarmálaráðið so boð eftir Semingsstovninum.