Góður fiskiskapur á Flemish Cap

Frystilínuskipini á Flemish Cap hava aftur í ár góðan fyriskap.

Skipini hava enn bara havt eina setu, og tey hava boðað Vørn frá, at í gjár fingu skipini úr 42.000 upp í 52.000 pund á  fyrstu setuni.

Veðrið er gott á Flemish Cap, frættist haðani.

Seks føroysk skip eru á Flemish Cap.

Tey Jákup B, Eivind, Kambur, Stapin, Klakkur og Jógvan I.

Toskakvotan á Flemish Cap er nógv minni í ár enn hon var í fjør.

Í ár er kvotan 1.907 tons. Talan er um felagskvotu.

Í fjør var kvotan 3.911 tons. 2.635 tons vóru felagskvota og 1.276 tons vórðu seld á uppboði.