Undantaksstøða í Hongkong

bannari
Undantaksstøða í Hongkong
Tað er neyðugt, fyri at forða coronavirusinum at breiða seg úr Kina, sigur leiðarin í Hongkong, Carrie Lam
 
25.01.2020 - 16:30

Hongkong hevur lýst undantaksstøðu, fyri at sleppa undan at coronavirusið breiðir seg úr Kina.

Tað boðaði leiðarin í Hongkong, Carrie Lam, frá í dag. Hon boðaði samstundis frá, at hægsta tilbúgving samstundis er sett í verk.

Krevja heilsuváttan í Hongkong

Carrie Lam segði eisini, at hon sjálv stendur á odda fyri serligu nevndini sum er skipað, og sum skal forða fyri at virusið breiðir seg.

Øll sum koma til Hongkong skulu hava heilsuváttan, og tey sum ikki halda reglurnar, kunnu fáa fongsulsrevsing í seks mánaðir ella eina bót uppá 5.800 krónur.

Stjórnin hevur eisini gjørt av, at øll sum fara úr Hongkong, skulu hitamátast. 9. februar skuldi Hongkong-marathon vera. Har var væntandi at 70.000 fólk skuldu renna, men tað er avlýst.

Sleppa ikki at flúgva millum Wuhan og Hongkong

Barnagarðar og skúlar skuldu eftir ætlan lata upp aftur 3. februar, eftir kinesiska nýggjárið, men stovnarnir lata ikki upp aftur fyrr enn í fyrsta lagi 17. februar, skrivar South China Morning Post.

Í gjár vórðu fimm tilburðir av coronavirusinum staðfestir í Hongkong. Øll fólkini komu úr kinesiska býnum, Wuhan, og haðani fáa fólk ikki longur loyvi at koma til Hongkong, segði Carrie Lam.

Heldur ikki hava flogfør havt loyvi at flúgva ímillum Wuhan og Hongkong, seinastu dagarnar.

Er kopiera
Nýggjastu sendingar í ÚV
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520