Farmaferjan skrásett í Føroyum

Hasfjord, ferjan, sum Strandfaraskip landsins hava keypt í Noregi, varð skrásett í Føroyum í gjár.

Ferjan skal brúkast sum farmaskip í Skopunarfirði.

Hon tekur eisini 12 ferðafólk.

Hasfjord, sum framvegis eitir Hasfjord, nú skipið er skrásett í Føroyum, er bygt í Noregi í 1975.

Umvæld í Noregi

Ferjan verður nú umvæld á Slipen verksted í Sandnessjøen.

Løgtingið hevur játtað 10 mió. kr. til at keypa Hasfjord fyri.

Ferjan Hasfjord er 40,7 metrar long. Til samanberingar kann nevnast, at Teistin er 40 metrar langur, og Ternan er næstan 41 metrar long.

Hasfjord er skrásett í Havn.