Varðhaldsfongslaður til 29. februar

Maðurin, sum er skuldsettur fyri drápsroynd í summar, er framvegis varðhaldsfongslaður, hesaferð til 29.februar, sigur Heri Andreasen, leiðari á Kriminaldeildini hjá politinum. 

Maðurin, sum er sjúklingur á psykiatrisku deild í Havn, er skuldsettur fyri tann 22.juni í fjør at hava lagt á eitt starvsfólk á deildini, meðan tey gingu á gøtuni vestan fyri Sandá, sum er áin millum Havnina og Argir.

Maðurin, sum er fyrst í tjúgunum, leyp á kvinnuna og tók kvørkratak. Hann er tí skuldsettur fyri drápsroynd.

Maðurin skal fyri eitt nevningating í Føroya rætti, tá mál hansara er búgvið at fara í rættin. 

Skuldsetti maðurin er framvegis á psykiatrisku deild.