Hotel Brandan letur upp fyrst í mai

Nú líður so mikið væl, at annað av nýggju hotellunum í Havn, Hotel Brandan, letur upp fyri gestum fyrst í mai.

Síðani ferðavinnan tók dik á seg, eru gistingarnar vaksnar á hvørjum ári.

Í fjør vóru 20.000 fleiri gistingar enn árið fyri. 

Tað eru serliga gistingarhúsini í høvuðsstaðnum, ið merkja vøksturin. Og í hesum árinum verða gistingarmøguleikarnir meira enn tvífaldaðir, tá Hotel Brandan og Hotel Hilton fara at taka ímóti gestum, og Hotel Føroyar verður liðugt útbygt.

Tað verður eingin trupulleiki at fylla hotellini, siga leiðararnir á gistingarhúsunum.