Fuglafjørður skal hava nýggjan kommunustjóra

Fuglafjarðar Kommuna søkir eftir kommunustjóra.

Nýggi kommunustjórin skal avloysa Jákup Frants Larsen, sum leggur frá sær fyri aldur eftir 45 árum í starvinum.

Kommunustjórin er næsti ráðgevi hjá borgarstjóranum, býráðnum og fíggjarnevndini. Og harumframt er hann ovasti umsitingarleiðari hjá kommununi, saman við borgarstjóranum, stendur í lýsingini.

Starvið sum kommunustjóri í Fuglafirði verður sett frá 1. september. Tað verður lønt í 37. lønarflokki hjá Tænastumannafelagnum, tó uttan at vera tænastumannastarv. 

Freistin at søkja starvið er 17. apríl.