Skattauppskot á veg í tingið

Uppskot um, hvussu kvotur og fiskiloyvi skulu skattast, tá tey verða seld, er á veg í løgtingið.

Uppskotið er til viðgerðar í landsstýrinum, og Jørgen Niclasen, landsstýrismaður, vil tí einki siga um tað. Hann sigur, at miðað verður eftir at fáa uppskotið í løgtingið í hesari tingsetuni. Freistin er í morgin.

Annars má uppskotið hava 17 undirskriftir frá løgtingsfólkum, so tað kann leggjast fram. Millum annað løgmaður hevur sagt, at skatturin verður høgur.