- Tíðindi, mentan og ítróttur
Coronavirus: Ein føroyingur aftrat smittaður
Coronavirus: Ein føroyingur aftrat smittaður
Ein persónur, sum kom til Føroya við flogfari mánadagin, hevur fingið staðfest COVID-19. Nú eru tríggir tilburðir staðfestir
13.03.2020 - 07:44
Heilsumálaráðið kunnar í morgun um, at ein føroyingur aftrat er smittaður við COVID-19 corona virusinum. Hetta varð staðfest í seint í gjárkvøldið, sigur Heilsumálaráðið í tíðindaskrivi.
Talan er um ein persón, sum hevur verið í Danmark og kom til Føroya mánadagin við flogfari. Smittaði persónurin hevur tað gott og er í løtuni avbyrgdur heima við hús.
Landslæknin er farin í gongd við at kanna nærri, hvørjir persónar smittaði føroyingurin hevur verið í samband við. Kanningin fer at avgera, hvørjir aðrir persónar skulu avbyrgjast.
Tað vórðu gjørdar 24 kanningar í gjár, og tann eina var positiv. Í løtuni eru í alt tríggir føroyingar smittaðir, sigur Heilsumálaráðið í tíðindaskrivi.
Nýggjastu sendingar í ÚV
Nýggjastu sendingar í SV