150 fólk hava bjóðað seg fram at hjálpa

– Higartil hava umleið 150 fólk boðað frá, at tey vilja hjálpa sjúkrahúsverkinum.

Tað upplýsti Margit Stórá, varastjóri á Landssjúkrahúsinum, á tíðindafundinum, sum heilsumyndugleikarnir hildu klokkan 11 í morgun.

– Tað er serliga reingerðarfólkum, sum vit hava brúk fyri, nú tað eru fleiri fólk inni nøkur støð á sjúkrahúsunum, sigur Margit Stórá, varastjóri.

Tørvurin nøktaður, men kann broytast

Læknalesandi og sjúkrarøktarfrøðilesandi hava eisini boðað sjúkrahúsverkinum frá, at tey eru sinnað at hjálpa til, sigur hon.

– Í løtuni er tørvurin á sjálvbodnari hjálp fyribils nøktaður hjá okkum, men hetta kann broytast seinni, sigur Margit Stórá, varastjóri á Landssjúkrahúsinum.

Tað var mánadagin, at sjúkrahúsverkið sendi út eina almenna áheitan til føroyingar um, at brúk er fyri hjálp frá almenninginum, nú sjúkrahúsini eru undir stórum trýsti.