Føroyingar í Noreg missa inntøku

Fleiri hundrað føroyingar, sum arbeiða fyri norskar arbeiðsgevarar, eru hart raktir av lækkandi virðinum á norsku krónuni.

Tað skrivar VP.FO.

Hesir fáa lønina útgoldna í norskum krónum, og virðið á norsku krónuni er fallið nógv í seinastuni, serliga tí at oljuprísurin er fallin so nógv.

Í løtuni er virðið á eini norskari krónu nærum helvtina minni enn á eini danskari.

 - Vit meta, at einir 300 av okkara 600 limum eru raktir av hesum. Hartil koma einir 150-200 føroyskir fiskimenn, sum ikki eru limir hjá okkum, meti eg, sigur Dánjal Jákup Meinertsson, formaður í Antares, felagnum hjá føroyingum sum starvast uttanlands, við VP.

Norska krónan hevur leingi verið minni verd enn hin danska. 100 norskar krónur hava kostað umleið 75 danskar, men virðið er fallið nógv seinastu vikurnar, og nú fáast bert 57 danskar krónur fyri 100 norskar.

Tí hava hesir føroyingarnir, sum fáa sína løn útgoldna í norskum krónum, mist umleið ein triðing av síni inntøku, skrivar VP.FO