880 milliónir útgoldnar í mars

Í mars vórðu goldnar slakar 880 milliónir krónur í lønum. Tað eru átta prosent meira enn í mars í fjør, vísa tøl hjá Hagstovu Føroya.

Í privatu tænastuvinnunum, serliga hjá gistihúsum, matstovum, handlum og hjá teimum, sum fáast við umvæling, kann ein óvanlig niðurgongd tó staðfestast í mars, skrivar Hagstovan.

Lønarískoyti frá Als er ikki við tølunum fyri mars. Í mars fingu menn góðar 570 milliónir krónur í løn og kvinnur 300 milliónir.

Mars í ár er nakað lakari hjá kvinnum í mun til ta gongd, sum hevur verið í lønargjaldingunum hjá kvinnunum annars, skrivar Hagstovan.