Kekkia stongir landamarkið í eitt ár

Bannið varð sett í gildi í marsmánaði og verður síðani longt, fyri at forða fyri smittubylgju frá ferðafólki, sum hava verið í landi, har smittan herjar, upplýsti eitt talsfólk fyri forsetan í útvarpssamrøðu í gjár.

Núverðandi forboð fyri at ferðast er ikki galdandi fyri tey, sum ferðast millum heim og arbeiði, last-bilførar og í serligum førum í sambandi við heilsuviðgerð.

Ferðaskrivstovur hava fyrr kravt, at í minsta lagi verður loyvt at ferðast til Slovakia og Kroatia í summar, tí har eru fáir koronatilburðir.

Í Kekkia eru 6.746 smittað og 186 er deyð av covid-19, sambært nýggjastu tølum frá Worldometer.

Í Slovakia eru 1.161 smittað og 12 eru deyð, og í Kroatia eru 1.871 smittað og 47 deyð.