Google Translate á føroyskum nærkast

Nú verður enn ein roynd gjørd at fáa føroyskt inn í Google Translate.

Ein roynd hjá Visit Faroe Islands fyri nøkrum árum síðani miseydnaðist, men hesa ferð hevur landsstýrismaðurin í mentamálum biðið Jonhard Mikkelsen, stjóra á Sprotanum, gera eina roynd.

200.000 setningar

Fyrst og fremst skulu 200.000 setningar týðast úr enskum til føroyskt og øvugt.

Tá tað er gjørt, skal tilfarið fáast í skipanina hjá Google Translate, greiðir Jonhard Mikkelsen frá.

Hann er bjartskygdur um, at tað fer at eydnast hesa ferð, tí nú er landsstýrið við.