Tvær umsóknir til prestastarvið í Fuglafirði

Tvær umsóknir til prestastarvið í Fuglafirði
Kirkjuráðið og bispur taka støðu til umsóknirnar í næstu viku, ella um starvið skal lýsast leyst av nýggjum, tí so fáar umsóknir eru
Tvær umsóknir eru til starvið í Fuglafjarðar prestagjaldi
 
30.04.2020 - 15:52

Tvær umsóknir komu til starvið sum sóknarprestur í Fuglafjarðar prestagjaldi. Tvær umsóknir er minni enn vanligt.

Men orsøkin kann verða, at fólkakirkjan fyri stuttum hevur sett prest í starv á Eiði, í Hoyvík, Vestmanna, Hvalvík og í Havn, sigur Jógvan Fríðriksson, bispur.

Um eina viku fara kirkjuráðið og bispur taka støðu til umsóknirnar, ella um starvið skal lýsast leyst av nýggjum, tí so fáar umsóknir komu. Miðað verður eftir at seta starvið fyri summarfrítíðina.

Tríggjar kirkjusóknir

Í Fuglafjarðar prestagjaldi eru tríggjar kirkjusóknir: Elduvíkar kirkja, Leirvíkar kirkja og Fuglafjarðar kirkja. Tvey bønhús eru eisini í prestagjaldinum: Bønhúsið á Hellunum og Bønhúsið í Funningsfirði.

Afturat kirkjunum og bønhúsunum eru onnur tænastustøð, tað eru stovnar, ellis- og røktarheim og sambýli.

Bústaðarskylda er, og prestagarðurin er í Fuglafirði. Prestagarðin verður dagførdur, og hann verður neyvan tøkur sum bústaður fyrr enn 1. mai næsta ár.

Er kopiera
Nýggjastu sendingar í ÚV
Fríggjadag 4. apríl
marta marta 9.partur
190266
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126