Bakkafrost byggir út á Norðtoftum

Smoltstøðin er í løtuni 5.200 fermetrar, og tá útbyggingin er liðug, verður hon 18.000 fermetrar til víddar. Sáttmáli er undirskrivaður, og arbeiðið byrjar væntandi í summar.

– Hetta er enn eitt stig í okkara strategi, at ala fiskin longri á landi. Okkara smoltframleiðsla er í dag tvífaldað samanborið við fyri tveimum árum síðani, sigur Regin Jacobsen, forstjóri.

Bakkafrost ger í løtuni stórar íløgur í at útbyggja smoltstøðir, og tað er tí eisini ein partur av strategiini hjá felagnum, at smoltstøðin á Norðtoftum nú verður útbygd.

12 fólk starvast á smoltstøðini hja Bakkafrosti á Norðtoftum.