- Tíðindi, mentan og ítróttur
429 eru fulltíðararbeiðsleys
429 eru fulltíðararbeiðsleys
53 prosent fleiri eru fulltíðararbeiðsleys enn fyrst í mars, tá fyrsti korona-tilburðurin varð skrásettur
![](https://kvf.fo/sites/default/files/styles/grein-ovasta-mynd/public/als_skelti.jpeg?itok=LKQ5yQeh)
11.05.2020 - 09:14
Tað eru væl fleiri fulltíðararbeiðsleys í Føroyum nú, enn tá korona-farsóttin tók seg upp.
Fyrsti korona-tilburðurin í Føroyum varð staðfestur 3. mars, og tá vóru 280 fulltíðararbeiðsleys í Føroyum.
Síðani tá er talið vaksið javnt og samt.
429 arbeiðsleys
Í dag eru tilsamans 429 fólk í Føroyum skrásett sum fulltíðararbeiðsleys í Arbeiðsloysisskipanini. Sostatt eru tað 53 prosent fleiri fulltíðararbeiðsleys í Føroyum nú enn fyrst í mars, tá fyrsti korona-tilburðurin í Føroyum varð skrásettur.
Hinvegin er talið á fólki, sum fáa serliga korona-lønarískoytið, minkað støðugt síðstu tríggjar vikurnar.
Nú fáa 2.866 fólk í Føroyum serliga korona-lønarískoytið frá ALS. Fyri trimum vikum síðani fingu 4.047 fólk lønarískoyti.
Nýggjastu sendingar í ÚV
Nýggjastu sendingar í SV