Politiið kannar Gluggavarp til øll

Politiið í Føroyum hevur fingið eina fráboðan um Gluggavarp til øll, sum bjóðar sjónvarpsrásir úr øllum heiminum bíliga.

Fráboðanin er komin úr útheiminum. Politiið vil ikki siga meira um málið, fyrr enn tað er kannað gjøllari.

Útvarpið hevur hoyrt, at norðurlendski felagskapurin StopNordic hevur biðið politiið kannað Gluggavarp til øll.

Onga viðmerking

Men Lars Underbjerg hjá StopNordic í Danmark hevur onga viðmerking um málið, aðra enn, at StopNordic eygleiðir virksemið hjá Gluggavarpi til øll.

Gluggavarp til øll brúkti fyrr navnið Sjónvarp til øll. 

Nordic Content Protection og StopNordic arbeiða fyri sjónvarpsstøðirnar og forða fyri, at sjónvarpssignal verða stolin.