Framvegis óvissa um flúgvingina

Hóast SAS selur ferðaseðlar til Føroya frá 1.juni at rokna, er ikki harvið sagt, at SAS byrjar at flúgva aftur til Føroya 1.juni.

SAS hevur onga avgerð tikið um flúgvingina til Føroya, men vónandi byrjar hon aftur sum skjótast, sigur Sille Beck-Hansen hjá SAS.

Hon sigur, at tey hava ferðaseðlar til sølu á nøkrum leiðum fyri at vita, hvussu stórur eftirspurningurin er.

Føroya-rutan hevur týdning

Sille Beck-Hansen sigur, at flúgvingin til Føroya er sera týdningarmikil fyri SAS.

Hon byrjar aftur, men nær tað verður, er óvist enn.

Keypir onkur ferðaseðil til 1.juni til dømis, men eingin flúgving verður tann dagin, fær viðkomandi pengarnar aftur.

SAS hevur ikki flogið til Føroya nú í tveir mánaðir.