Visti ikki, at hjálparpakkarnir ikki verða longdir

Tað kom óvart á Christian Andreasen, formann í tingbólkinum hjá Fólkaflokkinum, tá Helgi Abrahamsen, landsstýrismaður í vinnumálum, segði á tingi fyrrapartin, at hjálparpakki 1 og 2 verða ikki longdir.

Teir fara úr gildi 30. juni.

Landsstýrismaðurin svaraði einum fyrispurningi frá Bjørt Samuelsen í Tjóðveldi.

Christian Andeasen sigur, at hetta er nýtt fyri sær, og málið er ikki viðgjørt í samgonguni.

- Er kreppa framvegis í samfelagnum 30. juni, ber ikki til at seta hjálparpakkarnar úr gildi, sigur hann.

Hoyr samrøðu, sum Kaj Joensen gjørdi við Christian Andreasen í útvarpstíðindunum.