Arbeiðsmarknaðurin skal laga seg til umstøðurnar

Ætlanin er ikki at leingja hjálparpakka 1 og 2, sum eru til ávikavist starvsfólk og vinnuna, eftir 30. juni, tá lógin fer úr gildi.

Tað segði Helgi Abrahamsen, landsstýrismaður í vinnumálum, í tinginum í dag.

Hann sigur, at nú skal arbeiðsmarknaðurin laga til broyttu umstøðurnar, og tá er vanliga útgjaldsskipanin í ALS galdandi. 

Helgi Abrahamsen vísir á, at partarnir á arbeiðsmarknaðinum eiga ALS-grunnin, og skal ískoytisskipanin í hjálparpakka 1 eitt leingjast, eigur ALS-stýrið at verða spurt til ráðs.

Hjálparpakki 3 er á veg, og hann er eisini ætlaður vinnuni, serliga ferðavinnuni.