Kappróðurin útsettur

Tað verður eingin kappróður á Norðoyastevnu í morgin. Tað sigur forkvinnan í Róðrarsambandi Føroya, Annika Dalsgarð, við útvarpið nú seinnapartin.

Orsøkin er ringu veðurlíkindini fyri leygardagin. Ársins fyrsti kappróður verður í staðin sunnudagin, sigur forkvinnan í Róðrarsambandinum, ið sendir út tíðindaskriv um eina løtu.

Tilsamans 79 róðrarmanningar verða við í ársins fyrsta kappróðri; tað eru 15 manningar fleiri enn á Norðoyastevnu í fjør, og tað er eisini størsta talið í nógv ár.