115 milliónir verða latnar í lønarískoyti

Okkurt um 115 mió. kr. fara til teirra, sum fáa lønarískoyti frá Als, um skipanin endar sum ætlað 30.juni.

Higartil eru goldnar 99 milliónir krónur umframt hálva aðru millión til fólkapensjónistar. Tað, sum fer til fólkapensjónistar, fær Als aftur úr landskassanum.

Nú eru 1838 fólk í lønarískoytisskipanini, sum byrjaði 12.mars.

Lønarískoytisskipanin er við í hjálparpakka eitt.

4.apríl vóru 4.320 fólk í skipanini.