91 grundstykki aftrat í Klaksvík

Í dag verður spakin settur í verkætlanina Uppi á Fossum í Klaksvík, har 91 grundstykki skulu gerast í trimum byggistigum.

Í fyrsta byggistigi, sum byrjar í dag, eru 21 stykki til sethús og 13 til raðhús.

Í øðrum byggistigi verða 23 grundstykki til sethús og í triðja byggistigi 33 grundstykki til raðhús.

Byggifelagið RTS ger grundstykkini byggibúgvin. RTS hevði lægsta tilboðið, 30,9 mió. kr. Fýra tilboð komu.

Kostnaðarmetingin var 37,5 mió. kr.

SNA arkitektar hava projekterað verkætlanina á Fossum.