Útbúgva fleiri sjúkrarøktar- og námsfrøðingar

Fróðskaparsetrið ætlar at lata tíggju fleiri um árið læra sjúkrarøktarfrøði. Ætlanin er at taka inn 20 næmingar um summarið og 20 um veturin, sigur Jenis av Rana, landsstýrismaður í mentamálum.

Hann hevur svarað Beini Johannesen, løgtingsmanni, sum spurdi um tøk pláss í miðnámi, yrkisúbúgvingum og hægri útbúgvingum.

Eisini er ætlanin at útbúgva fleiri námsfrøðingar, 48 um árið tilsamans, svarar Jenis av Rana. Í yrkisnámi eru 250 næmingar tiknir upp í ár. Á Glasi og í Tekniska skúla í Klaksvík er fult.