Føroyingar vænta sær minni av framtíðini

Treystitalið er nógv lægri enn tað var í januar. Treystitalið er tað samanvigaða vísitalið frá fimm spurnakanningum, sum verða gjørdar í januar og juni hvørt ár. 

Treystitalið hevur ligið í støðugari legu seinastu trý til fýra árini, men er fallið frá 32 í januar til minus 16 í juni í ár.  Talan er um størsta fallið frá einari kanning til aðra hesi 14 árini, kanningarnar eru gjørdar, sigur Hagstovan.

Húsarhald og fýra vinnubólkar verða spurdir tvær ferðir um árið, hvat tey til dømis vænta sær av framtíðini.