Endurskoða endurgjald

Møguliga verður ferðaendurgjaldið úr landskassanum størri hjá teimum, sum brúka til dømis Eysturoyartunnilin enn hjá teimum, sum brúka til dømis Vágatunnilin.

Sambært galdandi lóg, sum kom í 2015, er ferðaendurgjaldið fyri at koyra í undirsjóvartunli til arbeiðis 10 kr. fyri túrin.

Jørgen Niclasen, landsstýrismaður í fíggjarmálum, segði við Dag og Viku fríggjakvøldið, at hugt verður eftir ferðaendurgjaldinum í heyst.

Stórur munur er á 10 kr. í Vágatunlinum og í Eysturoyartunlinum, tí nógv dýrari verður at koyra í Eysturoyartunlinum.