Fleiri lekar enn roknað við

Higartil hava verið fleiri lekar í Sandoyartunlinum enn roknað varð við. Lekar eru báðumegin, og teir verða tiptir so hvørt. 

Streymoyarmegin er tunnilin komin út í havbotnin, men Sandoyarmegin er tunnilin enn á landi.

Lekar gjørdu, at Eysturoyartunnilin bleiv ein mánað seinkaður, sigur Teitur Samuelsen, stjóri í partafelagnum Eystur- og Sandoyartunlum.

Sandoyartunnilin er næstan komin í helvt. Higartil eru 41 prosent av samlaða teininum boraðir. Tunnilin verður 10.785 metrar.

1.500 metrar Streymoyarmegin eru asfalteraðir.