Tænastuvinnan hart rakt

Tænastuvinnan hart rakt
Lønirnar í privatu tænastuvinnuni vóru í juni 23 milliónir minni enn framrokningin segði
 
15.07.2020 - 08:46

Privatar tænastuvinnur eru tann vinnugreinin, sum korona hevur rakt harðast.

Privatar tænastuvinnur eru handil og umvæling, gistihús og matstovur, flutningur, postur og fjarskifti, fígging og trygging, vinnuligar tænastur, húsarhaldstænastur og felagsskapir og mentan.

Sambært hagtølunum fyri juni, sum Hagstovan hevur kunngjørt, vóru lønirnar 253 milliónir krónur í privatu tænastuvinnunum.

8.400 fólk í vinnuni í juni

Lønirnar vóru 23 milliónir, 9,1 prosent, minni enn framrokningin segði. Í framrokningini er ikki roknað við koronu. Í mai var munurin 16 prosent.

Í hinum trimum vinnubólkunum í hagtølunum er munurin ikki so stórur. Vinnubólkarnir eru almennar tænastuvinnur, fiskivinna og aðrar tilfeingisvinnur og bygging og onnur tilvirking.

8.400 fólk arbeiddu í privatu tænastuvinnunum í juni. Framrokningin sigur góð 8.900, 500, góð seks prosent, fleiri. Munurin var størri í mai, tá var hann 11 prosent, og í apríl var hann 16 prosent.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF