Skriðulop á gamla Viðareiðisvegnum

Eitt skriðulop var á gamla Viðareiðisvegnum í gjárkvøldið.

Skriðulopið var so mikið umfatandi, at fólk boðaðu løgregluni frá um nátturðatíð í gjárkvøldið. Landsverk varð boðsent at rudda vegin, og tað varð gjørt beinanvegin.

Landsverk sigur, at tá ið tað hevur verið turt leingi, og tað so fer at regna illa, eru javnan skriðulop í ávísum økjum í landinum.

Vanligt er eitt nú, at skriðulop er á gamla Viðareiðisvegnum, í Kaldbaksbotni og á Oyggjarvegnum, sigur Landsverk.