17,4 mió. fólk eru smittað

Umleið 300.000 fólk aftrat eru smittað av koronu, og tað er met, sigur Heimsheilsustovnurin hjá ST.

Tey flestu, sum eru smittað seinastu dagarnar, búgva í USA, Brasil, India og Suðurafrika, upplýsir WHO.

Reuters skrivar, at í gjár vóru tilsamans 17,4 milliónir fólk skrásett smittað, og umleið 675.000 fólk eru deyð av covid-19.

Stjórin í WHO segði í gjár, at avleiðingarnar av heimsfarsóttini fara at merkjast í langa tíð.

- Hetta er ein heilsukreppa, sum bara verður staðfest eina ferð í hvørjari øld, men avleiðingarnar fara at merkjast í áratíggju, segði hann.