Landslæknin: 54 staðfest smittað í løtuni

– Eg eri stúrin um gongdina, segði Lars Fodgaard Møller, landslækni, millum annað í sjónvarpinum í kvøld.

Tað er enn ógreitt, hvussu smittan er komin til landið, og talan er um eina sera smittandi og serstaka útgávu av krímsjúkuni.

Smittan breiðir seg skjótari enn áður, og nógv skjótari enn í londunum kring okkum.

Sambært landslæknanum smitta fólk dagin eftir, at tey sjálv eru blivin smittað, og tað er ikki sæð fyrr í Føroyum.

Hetta ger eisini, at avbyrgingin er sera torfør.