Landsrætturin viðger mál um Red Bull

Eystari landsrættur fer í næstu viku at viðgera eitt løgið mál, sum varð avgjørt í Føroya rætti í februar.

Tá varð ein maður frídømdur fyri at stoyta Red Bull orkudrykk á ein politist.

Hann kundi ikki dømast, ti sambært Føroya rætti datt heimildin, sum var á donskum, burtur, tá revsilógin varð umsett til føroyskt.

Maðurin varð frídømdur fyri at hava framt harðskap móti politistinum, sum var í ferð við at handtaka hann.

Eystari landsrættur kemur til Føroya mánadagin, og málið um umsetingina í revsilógini er fyrsta málið á skránni hjá Landsrættinum hesaferð.