Krani koppaði á Óðinshædd

Einki fólk fekk skaða, tá ein byggikrani fyrrapartin koppaði á Óðinshædd í Havn, har Bústaðir byggja nýggjar íbúðir.

Kranin er 31 metrar langur, og tað er Húsavarðartænastan, sum byggir íbúðirnar.

Húsavarðartænastan eigur byggikranan, sum er frá 2016. Hann hevur staðið á trimum øðrum byggiplássum, áðrenn hann varð reistur á Óðinshædd.

Kranin, undirlendið og alt annað varð góðkent, áðrenn farið varð at reisa kranan, sigur Regin Petersen, stjóri í Húsavarðartænastuni.

Hoyr samrøðu í útvarpstíðindunum.