Vilja tryggja fíggjarliga grundarlagið undir ÍSF

Tær fýra milliónir krónurnar, sum Ítróttasamband Føroya hevur fingið í koronuhjálp, kunnu í framtíðini gerast partur av fíggjarliga grundarlagnum hjá ÍSF.

Tað er í øllum førum ein møguleiki, sum Jenis av Rana, landsstýrismaður í ítróttarmálum, nevnir, nú ÍSF vantar pengar, og noyðist at skera í stuðlinum til øll sersambondini.

Hann væntar, at undirtøka verður í løgtinginum fyri at tryggja fíggjarliga grundarlagið undir ÍSF.

Ein orsøk til, at tað er farið at fjara í kassanum hjá ÍSF, er, at inntøkurnar frá donsku veddingartænastuni eru nógv minkaðar.