Seks trolarapør til fiskiskap

Seks trolarapør til fiskiskap
Fiskamarknaðurin væntar ikki, at nógvur útróður verður hesa vikuna
Sjey trolbátar eru til fiskiskap í løtuni, fimm royna á landleiðini
 
31.08.2020 - 09:39

Tvey línuskip eru vesturi á rygginum og fiska tosk, svartkalva, blálongu og so nakað av lira. Trý skip eru vestanfyri og fiska tosk, hýsu, longu og brosmu, og eitt er sunnanfyri og fiskar mest av longu og brosmu. Og helst fer okkurt línuskip avstað í næstum.

Tað sigur Fiskamarknaður Føroya í meting um fiskiskapin hesa vikuna. 

Streymurin harðnar, sum vikan gongur, og veðrið verður eisini nakað skiftandi, tí verður neyvan nógvur útróður.

Ein djúpvatnstrolari fiskar stinglaks og annan djúpvatnsfisk, og ein fiskar kongafisk.

Seks trolarapør til fiskiskap

Viðvíkjandi partrolarum, so eru seks pør til fiskiskap. Øll fiska upsa og er fiskiskapurin brúkiligur.

Sjey trolbátar eru til fiskiskap. Fimm eru á landleiðini og tveir uttanfyri. Bátarnir fiska mest av toski, hýsu, tungu, reyðsprøku, havtasku og so nakað av upsa. 

Tvey garnaskip fiska svartkalva, men fiskiskapurin er smáligur. Eitt fiskar havtasku, og hevur brúkiligan fiskiskap, sigur Fiskamarknaðurin.

Er kopiera
Nýggjastu sendingar í ÚV
Leygardag 7. juni
Morgunlestur leygardagur 7.juni 2025
192653
Fríggjadag 6. juni
Vikuskiftið 6. juni 2025
192931
Fríggjadag 6. juni
Poppverturin
192912
Nýggjastu sendingar í SV
Leygardag 7. juni
Dagur og vika - teknmálstulkað
192956
Fríggjadag 6. juni
Veðrið
192932
Hósdag 5. juni
Fótbóltur: Georgia - Føroyar
192885
Mikudag 4. juni
KAKUMiKS (5:7) - teknmálstulkað
192833