Hava fiskað 71 prosent av makrelkvotuni

Higartil eru 71 prosent av heildarkvotuni av makreli í ár fiskað. 

Føroyingar hava loyvi at fiska 81.612 tonsunum av makreli í ár, og góð 58.000 tons eru fiskað, upplýsir Vørn fyri útvarpinum.

Prísurin seinastu tíðina hevur ligið millum seks krónur og seks krónur og 25 oyru fyri kilo.

Umframt makrelin, sum føroysk skip hava fiskað, hava Pelagos í Fuglafirði og Faroe Pelagic í Kollafirði eisini tikið móti nakað av makreli frá útlendskum skipum.

Útlendsk skip fáa lægri prís

- Vit hava keypt nakrar lastir frá útlendskum skipum fyri at hava nóg mikið av arbeiði á virkinum, sigur Fríðin Ziskason, virkisleiðari á Pelagos.

Virkið hevur keypt makrel frá íslendskum, grønlendskum, donskum, svenskum, írskum, og norskum skipum.

Útlendsku skipini hava tó fingið lægri prís. Millum 4 og 5 krónur. 

Varðin Pelagic hevur næstan bara keypt fisk frá sínum egnu skipum, sum hoyra til Varða-samtakið. Tó hevur Fagraberg eisini landað eina ferð á Tvøroyri.