- Tíðindi, mentan og ítróttur
Skulu nú staðfesta tapið
Skulu nú staðfesta tapið
Fyritøkur, sum hava fingið Covid-19-stuðul, skulu skjalprógva, hvussu stóran miss tær hava havt
![](https://kvf.fo/sites/default/files/styles/grein-ovasta-mynd/public/taks_04_0.jpeg?itok=hR4FCH_R)
Fær Taks ikki staðfestingina í seinasta lagi fríggjadagin, skal stuðulin gjaldast aftur
08.09.2020 - 09:46
Taks minnir nú fyritøkurnar, sum fingu stuðul sambært hjálparpakka tvey, um at staðfesta tapið hjá sær í seinasta lagi fríggjadagin, tí annars skulu pengarnir latast landinum aftur.
Stuðul er latin fyri afturgongdina í umsetningi.
Er afturgongdin millum 40 og 60 prosent frá 1.apríl til 30.juni, tað er í øðrum ársfjórðingi, og føstu útreiðslurnar hjá fyritøkuni eru 100.000 kr., er stuðulin 50.000 kr.
Er afturgongdin millum 60 og 100 prosent, er stuðulin 75.000 kr.
Freistin at søkja um stuðul var 30.juni.
Men í seinasta lagi 11.september skal Taks hava endaliga skjalprógvaða staðfesting um missin.
Fær Taks ikki hesa staðfesting, skal allur stuðulin latast aftur.
Nýggjastu sendingar í ÚV
Nýggjastu sendingar í SV