Ein smittutilburður á flogvøllinum í gjár

Ein korunutilburður varð staðfestur á flogvøllinum í gjár. 

Talan er um fólk, sum býr í Føroyum. 

Viðkomandi er avbyrgdur, og landslæknin er í gongd við neyðugu smittusporingina.

Nú eru gjørdar 104.389 kanningar í Føroyum.

414 eru staðfest at vera smittað, fimm eru framvegis smittað, 409 er vorðin frísk, og sjey fólk eru í sóttarhaldi.

Eitt fólk er innlagt.