Eftirmeta spurningin um mat og drekka

Hósdagin fer Atlantic Airways at eftirmeta spurningin, um felagið aftur skal fara at bjóða mat og drekka umborð á flogførunum.

Fleiri og fleiri flogfeløg eru nú aftur farin at bjóða ferðafólkunum mat og drekka. 

Men tað er á ferðum, sum vara longri enn tveir tímar og eitt korter.

So lítið samband við ferðafólkini sum til ber

Eingin ferð hjá Atlantic Airways varar so leingi, nú bara verður flogið til Danmarkar, sigur Jóhanna á Bergi, stjóri í Atlantic Airways.

Annars eru ráðini frá IATA, altjóða loftferðslufelagsskapinum, at tey, sum arbeiða í flogførunum, hava so lítið samband sum gjørligt við ferðafólkini. 

Men hósdagin fer Atlantic Airways at eftirmeta avgerðina um ikki at bjóða nakað umborð, sum varð tikin í mars, tá korona kom, sigur Jóhanna á Bergi.