Miðflokkurin spyr um barnaverndarlógina

Bill Justinussen og Steffan Klein Poulsen í Miðflokkinum vilja hava at vita frá Elsebeth Mercedis Gunnleygsdóttur, landsstýriskvinnu í almannamálum, um Almannamálaráðið fær áheitanir og fráboðanir, tí misnøgd er við málsviðgerð, mannagongdir og avgerðir í barnaverndarmálum.

Teir vilja eisini hava at vita, um landsstýriskvinnan heldur kæruskipanina vera nøktandi. 

Barnaverdarlógin er nú 15 ára gomul, og Bill Justinussen og Steffan Klein Poulsen spyrja eisini, um tørvur er at eftirmeta verandi skipan og lóggávu á barnaverndarøkinum.

Ónøgd og frustatiónir

Tingmenninir í Miðflokkinum siga, at tað frættist javnan, eisini alment á m.a. sosialum miðlum, um ónøgd og frustratiónir við málsviðgerð og avgerðir í barnaverndarmálum.

Ein eftirmeting varðgjørd í 2011,  og fleiri broytingar vórðu gjørdar í 2012.

Hóast hesar broytingar, tykist tað at vera stór ónøgd í barnaverndarmálum, siga Bill Justinussen og Steffan Klein Poulsen í viðmerkingunum til fyrispurningin.