Altjóða kanningarstova skal kanna graslíkið

Bestu mansliðini hjá B36 og HB vilja ikki spæla sínar heimadystir á nýggja graslíkinum á ovara vølli í Gundadali, tí tað kann ikki brúkast, siga venjararnir hjá báðum feløgunum.

Sigurð Ó. Vang, leiðari á Mentamáladeildini í Tórshavnar kommunu, sigur, at ein altjóða kanningarstova - SportLabs - kannar graslíkið á ovara vølli í Gundadali hvørt ár.

Og umboð fyri kanningarstovuna verða í Føroyum seinni í hesum mánaðinum.

Kommunan fer eisini á fund við veitaran, Laiderz, seinni í dag.

Hoyr samrøðu við Sigurð Ó. Vang í útvarpstíðindunum.