Tilfar í teldupostkassa fór fyri skeytið

Tilfar í teldupostkassa fór fyri skeytið
Umboðsmaðurin hevur viðgjørt mál handfaringina av teldupostkassa hjá einum starvsfólki, ið ikki longur er á lívi
Umboðsmaðurin heldur, at tað er óheppið, at arbeiðstengt tilfar í teldupostkassanum, ið ikki varð skjalført aðrastaðni, var farið fyri skeytið
 
10.09.2020 - 14:41


Løgtingsins umboðsmaður hevur viðgjørt klagu um handfaringina av teldupostkassa hjá einum starvsfólki, ið ikki longur er á lívi. 

Klagan er komin í sambandi við málsviðgerð, har klagarin ikki fekk innlit í tilfar, ið var tengt at teldupostkassanum hjá einum starvsfólki, sum ikki longur er á lívi. 

Tilfarið var ikki skjalført aðrastaðni, men fanst bara í áðurnevnda teldupostkassa.

Óheppið

Umboðsmaðurin heldur, at tað er óheppið, at arbeiðstengt tilfar í teldupostkassanum, ið ikki varð skjalført aðrastaðni, var farið fyri skeytið.

Umboðsmaðurin minnir á, at myndugleikar hava skyldu at skjalføra, og at skjalføring av innkomandi posti sum meginregla eigur at verða framd sama dag ella fyrsta arbeiðsdagin eftir.  Umboðsmaðurin mælir arbeiðsgevaranum til at gera mannagongd fyri, hvussu teldupostkassin hjá starvsfólki, ið brádliga fer úr starvi, t.d. í sambandi við andlát ella álvarsliga sjúku, verður handfarin. 

Umboðsmaðurin vísir eisini á, at tað hevur serligan týdning, at einki arbeiðstengt tilfar, ið av røttum átti at verið skjalført og møguliga fevnt av almennum innliti, er goymt í einum teldupostkassa, ið verður strikaður.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565