Havnin keypir útgerð til landstreym

Tórshavnar havn skal keypa útgerð til landstreym fyri 2,4 mió. kr.

Málið skal viðgerast á býráðsfundinum í kvøld.

Talan er um útgerð í bingju, sum kann flytast hagar, brúk er fyri henni.

Steymurin verður ikki frá Sev, men ein dieselmotorur í bingjuni ger hann.

Átta tilboð

Tórshavnar havn fekk átta tilboð frá trimum veitarum. Niðurstøðan hjá umsitingini er, at tilboðið frá einum samtaki millum Steingrund Akustik og ETV, sum er El-talvuvirkið í Gøtu, er tað besta.

Samtakið bjóðar eina skipan frá NED Generators í Italia. 

Talan er um ein 800 kilowatttíma generator í einari 30 fót bingju.

Ljóðið er 55 desibell, mált í sjey metra frástøðu.