Mæla frá at ferðast til Bretlands og Íslands

Danska uttanríkismálaráðið mælir nú fólki frá óneyðugari ferðing til Bretlands, Írlands, Íslands og Slovenia.

Tað sæst á nýggju ferðatilmælunum, sum uttanríkisráðið hevur dagført í dag.

Orsøkin er økta smittutrýtsið í hesum londunum, og tí hevur uttanríkisráðið sett hesi londini á appilsingula listan, sum mælir frá allari óneyðugari ferðing.

Vóru gul

Frammanundan vóru hesi londini gul, sum merkir, at tú skal vera serliga varin.

Donsku myndugleikarnir mæla frá óneyðugum ferðum, um fleiri enn 30 smittutilburðir fyri hvørji 100.000 fólk verða skrásettir aftrat seinastu vikuna.

Fyri at donsku myndugleikarnir skulu slaka í tilmælinum, skulu tað vera færri enn 20 smittutilburðir fyri hvørji 100.000 fólk.