Landgrunnurin fyri fólkatingið

Ísland, Noreg og Føroyar/Danmark gjørdu fyri sløkum ári síðani sáttmála um føroyska landgrunnin norðanfyri.

Sambært honum verður føroyski landgrunnurin 27.000 ferkilometrar størri, enn hann er nú. 

Men áðrenn sáttmálin kemur í gildi, skal hann millum annað góðkennast í fólkatinginum, tí hann ásetur markið hjá danska kongsríkinum.

Í løglistanum

Og tað verður gjørt í fólkatingssetuni, sum byrjaði í gjár. Málið er í løglistanum, sum fólkatingið fekk frá stjórnini í gjár.

Sáttmálin sigur millum annað, hvussu londini skulu bera seg at, tá mineral eru tvørtur um mørkini. 

Sáttmálin byggir á semju, sum varð gjørd í 2006.