Nógv bíligari at gista á hotelli

Tað er vorðið bíligari at gista í gistingarhúsum í Føroyum.

Hagstovan sigur, at tølini fyri triðja ársfjórðing í ár siga, at gisting er vorðin munandi bíligari.

Prísirnir eru lækkaðir í miðal 35 prosent.

Tað er nógv samanborið við Ísland og Danmark. Har eru prísirnir lækkaðir ávikavist 14 og 22 prosent.

Prísirnir hægri nú

Annars eru prísirnir yvirhøvur í triðja ársfjórðing hægri enn í øðrum ársfjórðingi í ár og í triðja ársfjórðingi í fjør. 

Samanborið við annan ársfjórðing í ár er brúkaraprístalið 0,3 prosent størri. Samanborið við triðja ársfjórðing í fjør eru prísirnir í miðal 0,2 prosent størri nú.

Serliga er oljan, sum húsarhaldini brúka, vorðin dýrari.